PRESYO NG MGA BILIHIN SA MERKADO, INAASAHANG BABABA NGAYONG BUWAN

CITY INFORMATION OFFICE August 5, 2025

Kidapawan City-(August 5, 2025) May magandang balita para sa mga mamimili ng Lungsod —inaasahang bababa ang presyo ng karneng baboy sa mega market simula bukas August 6, 2025.

Sa isinagawang pagpupulong kahapon, August 4, 2025 ng mga vendors at kinatawan ng Lokal na Pamahalaan, ang pagbaba ng presyo sa karne ng baboy ay bunsod ng pagdami ng stocks ng mga produkto.

Patuloy na pinaaalalahanan ang mga mamimili na maging mapanuri sa presyo at kalidad ng kanilang binibili.

Hinihikayat din ang mga tindero na sumunod sa suggested retail price para matiyak ang patas na presyo.##(Djallyca Ganancial/City Information Office)