SORPRESANG INSPEKSIYON SA MGA TIMBANGAN SA MEGA MARKET IPINATUPAD. MGA DEPEKTIBONG TIMBANGAN, KINUMPISKA

CITY INFORMATION OFFICE August 7, 2025

Kidapawan City-(August 7, 2025) Masusing sinuri ang mga timbangan sa Mega Market kahapon, August 6, 2025 para masiguro ang patas at tama na timbang ng mga produktong ibinebenta sa mga Kidapaweño.

Sa isinagawang inspeksyon ng mga tauhan ng Economic Enterprise Management Office o EEMO, natuklasan na ilang mga timbangan ang expired ang lisensya kaya agad itong kinumpiska.

Alinsunod sa patakaran, kinakailangan nilang magbayad ng P95.00 pesos para sa renewal ng kanilang timbangan na magtatagal sa loob ng isang taon.

Ang taonang gawain na ito ay para sa kapakanan ng mga mamimili na matiyak na tama ang timbang ng mga produktong binibili sa merkado publiko ng Kidapawan.##(Djallyca Ganancial/City Information Office)