TAGUMPAY NG BATANG KIDAPAWEÑO SA BADMINTON, KINILALA NG KIDAPAWAN CITY LGU

CITY INFORMATION OFFICE August 4, 2025

Kidapawan City- (August 4, 2025) Isang batang Kidapaweño ang nanalo sa nakaraang Felet Champions League National Badminton Tournament na ginanap noong July 26-27, 2025 sa Davao City.

Si Rainier Eric Y. Honorario, siyam na taong gulang mula sa San Isidro Elementary School ay nag-uwi ng Bronze medal sa Boys Singles 9-under Category sa nasabing palaro.

Ang tagumpay ni Honorario, ay kinilala ng Lokal na Pamahalaan ng Kidapawan kasabay ang isinagawang Monday Convocation Program nitong August 4, 2025.

Kasama ang mga Opisyales ng Lungsod ay iginawad sa kanya ang Sertipiko ng Pagkilala, tanda ng pagsuporta ng City LGU sa kanyang tagumpay.

Umaasa ang Lokal na Pamahalaan, na mas marami pang katulad ni Honorario ang matagumpay din sa larangan ng sports na nais nilang mamayagpag bitbit ang pagkakakilanlan na sila ay mula sa Kidapawan City.##(Ryzyl M. Villote/ City Information Office)