CENTENARIAN SA LUNGSOD, TUMANGGAP NG CASH INCENTIVES MULA SA NATIONAL COMMISSION OF SENIOR CITIZENS AT COTABATO PROVINCE

CITY INFORMATION OFFICE July 30, 2025

Kidapawan City-(July 30, 2025) Nasa dapit hapon man ng kanilang buhay naipapakita parin ng pamahalaan ang pagmamahal at pagpapahalaga sa mga senior citizens.

Buwan ng Marso sa mismong araw ng kanyang kapanganakan ay pinagkalooban ng P50,000.00 mula sa Kidapawan City Government si Magdalena Saniel-Cruz.

Programa ito sa ilalim ng Senior Citizens Welfare Act bilang insentibo sa mga 100-year old na mga senior citizens.

Muling nakatanggap ng P50,000.00 si Saniel-Cruz galing sa Cotabato Provincial Government sa pamamagitan ng Provincial Social Welfare and Development Office o PSWDO.

Nagbigay naman ng P100,000.00 ang National Commission of Senior Citizens o NCSC, bilang pagtupad sa kanilang mandato na ang lahat ng mga centenarians sa bansa ay bibigyan ng cash incentive mula sa Pamahalaang Pambansa.##(Djallyca Ganancial/ City Government Office)