BATANG KIDAPAWEÑO, NAMAYAGPAG SA PAMBANSANG TAGISAN NG TALINO

IAN FAMULAGAN April 21, 2025

KIDAPAWAN CITY (April 21, 2025) – Nagpakitang gilas sa tagisan ng talino ang isang batang Kidapaweño sa ginanap na Philippine International Math and Science Olympics o PIMSO na ginanap nitong nakaraang April 4-7 sa lungsod ng Maynila.

Iniuwi ni Athena Felicity Jubillan – estudyante ng ABC Educational Development Center ang Ginto at 1st Runner Up ng PIMSO 2024-2025 Final Round Primary 3 Science Category.

Kinilala naman ng City Government ang karangalang dala ng batang estudyante na nagsilbing kinatawan ng lungsod sa nabanggit na kompetisyon.

Malaki ang tuwa ng mga magulang, gayundin ng Lokal na Pamahalaan sa natamasa ni Athena dahil patunay lamang ito sa galing at talinong angkin ng mga kabataan ng Kidapawan.##(Vonkluck Herrera