KIDAPAWAN CITY PINARANGALAN NG DTI, REGIONAL DIRECTOR PERSONAL NA DUMALAW SA LUNGSOD

IAN FAMULAGAN March 24, 2025

Kidapawan City- (March 24, 2025) Pinatunayan ng Kidapawan City na dahil sa mga programa at proyekto nitong ipinatutupad, patuloy na umuunlad ang lungsod.

Ilan sa mga naging bunga nito ay ang Philippine Quality Award mula sa Department of Trade and Industry na iginawad sa City Health Office at Kidapawan City Hospital.

Sa mensahe ni Regional Director Flora Politud-Gabunales sa pagdalo nito sa Monday Convocation nitong March 24, 2025, hinangaan nito ang pamamalakad ng Lokal na Pamahalaan sa lungsod, kaya naman naniniwala siyang mas maraming parangal pa ang maaaring matanggap nito.

Bukod pa rito saludo rin si RD Gabunales sa hakbang ng City LGU, na ginagawang prayoridad ang maayos at malusog na pangangatawan ng lahat ng mga Kidapaweños.

Dagdag pa niya ang tagumpay ng mga ahensya at tanggapan sa ilalim ng Kidapawan City LGU ay resulta ng pagtutulungan ng mga Opisyales, mga kawani nito at ng mga mamamayan. ##(Ryzyl M. Villote| City Information Office)