LOKAL NA PAMAHALAAN NAKIISA SA 13TH FOUNDATION ANNIVERSARY NG BPOKCSCAI

CITY INFORMATION OFFICE March 10, 2025

KIDAPAWAN CITY-(March 10, 2025) Nakiisa ang Lokal na Pamahalaan ng Kidapawan sa ika-13th Foundation Anniversary ng Barangay Poblacion Kidapawan City Senior Citizens Association Inc. o BPOKCSCAI ngayong araw ng Lunes, March 10, 2025 sa Kidapawan City Gymnasium.

Ang nasabing programa ay may temang “Katandaan ay Korona ng Buhay Kamustahan, Kwentuhan at Kasiyahan”. Ito ay dinaluhan ng anim (6) na mga clusters ng senior citizens na nagmula sa Brgy. Poblacion.

Nagtagisan naman ng talento ang mga senior citizens sa mga contest gaya na lamang ng Song Solo, Chorus, at Folk Dance.

Taos-puso naman ang pasasalamat ng BPOKCSCAI sa lahat ng sumuporta at tumulong upang maging matagumpay ang nasabing pagdiriwang.

Ang naturang selebrasyon ay dinaluhan din nina City Vice Mayor Melvin E. Lamata Jr. kasama ang mga City Councilors, Barangay Chairperson Melvin Gerald E. Lamata, III at OSCA President Renato B. Toralba.##(Djallyca Ganancial ׀ City Information Office)